而家风水玄学十分流行，好多人都会知少少，就算普通人，听得多了，有需要问有关风水问题既时候，都会问得叻左。

而近来，有位老友，他代朋友问我一个问题，他说︰“我朋友叫我问一问你， 养风水鱼系唔系要有话要养几多条鱼数，先合风水规定 ，先会旺财﹖”

老友这位朋友，我都见过，其实佢以前都好似问过我一些类似既问题。

我话︰“养一条啦！”但老友继续问︰“只系养一条﹖如果想养多啲呢？”想养多啲，都系跟番个数，我咪同老友讲︰“咁叫佢养十一条或者二十一条啦。”

其实匡正大师兄都话过，养金鱼既数目，唔同既风水派别，有唔同既睇法。大师兄都有风水文章讲过，养鱼数目，可以根据风水五行去配合。而风水五行，河洛理数，则各有不同。

养鱼会以“水”为主，所以五行喜欢“金、水”数。 河图以“一、四、六、九”四个数目字为金水数；洛书就话“一、六、七”三个数目字属金水数。

大家看河洛理数，其中既“一”同“六”数，就系共通既，所以用“一”同“六”数系最稳阵既，一定唔会出错。

或者有人会问，咁点解我叫佢用一数，而唔用六数？因为我又想加倍稳阵，风水以单数属于阳数，双数属于阴数，以阳数相对吉利论，所以用“一”数。

讲到尼度，大家应该都明我点解叫果位仁兄养“一条、十一条、廿一条啦﹖”既鱼数啦！